Buztin tailerra esplorazio eta bizikidetzarako espazio bat da, adin ezberdinetako haurren arteko topagune jostari eta aberasgarria. Tailerrean eskuekin intuitiboki eta askatasunez aritzearen plazerraz gozatzen dugu. Buztinak esperimentatu, eraiki, desegin eta berregiteko aukera paregabea ematen digu. Horrela, elkarrekin irudimenari bidea ematen diogu eta psikomotrizitate fina, arreta eta buztinaren zikloak lantzen ditugu. Izan ere, zeramika amaierarik gabeko bidaia da, ikasketaz eta gozamenez betea.